"الزمالك أقوى خط دفاع بسببه".. الونش يدعم محمد صبحي بعد واقعة الطرد

دعم محمود حمدي الونش لاعب الزمالك، محمد صبحي حارس مرمى الفريق الأبيض، بعد واقعة طرده في مباراة أوتوهو بالكونفدرالية الأفريقية. وتلقى محمد صبحي، حارس مرمى الفريق الأول لكرة القدم بنادي الزمالك بطاقة حمراء، خلال مباراة فريقه ضد أوتوهو بطل الكونغو بطل برازفيل، ضمن منافسات بطولة كأس الكونفدالية الأفريقية. محمد صبحي تعرض للطرد بعد تعديه بالمرفق على لاعب أوتوهو، عقب إحراز الأخير هدفه الأول في مباراة الإياب، التي انتهت بفوز وتأهل الزمالك للمربع الذهبي. وكتب الونش عبر حسابه الشخصي على "انستجرام": "ممكن الكلام اللي حابب اقولوا مش هيعجب ناس كتير وعندكم حق بالمناسبة". وأوضح: "صبحي غلط وخصوصا لو الغلط في شوية من الاستهتار وأنا وقعت في نفس الغلط في ماتش وادي دجلة، بس الحمد لله رب العالمين بسبب اللعيبة الرجالة والجمهور العظيم عدينا الموقف الصعب ده". وواصل: "لازم مننساش إن صبحي من أسباب أننا أقوى خط دفاع في الدوري لحد الآن وعواد والمهدي والشناوي". وأتم الونش رسالته: "بما إننا بدأنا مع بعض من جهاز فني ولعيبة وطاقم طبي وإداري وجمهور كبير في ظهرنا، لازم الوقت الصعب نقق جمب بعض لأن الصعب لسه جاي، وبلمتنا جميعا بإذن الله هنعدي الصعب كله وهنفرح كلنا مع بعض بأمر الله وتعبنا.. شكراً". المصدر: كورة فور سبورت